Eztia eta mingotsa

Zure mundua paradoxa bat da niretzat:

eztia eta mingotsa

isilarazi egiten nau

eta ez dakit zergatik

otzan bilakatzen nauelako edo agian

hitzak lapurtzen dizkidalako

eta hitz horiek irentsi

zulo beltz batek bezala

esangura desagertarazi arte


Eta nigan sortzen dituzun plazerretan badago

zulatzen nauen zerbait

ezpainekin zirikatzen nauzunean

listua ozpina bailitzan

zauriak sumintzen dizkidazu

zaurietan sumintzen naiz ni, eta zu ere sumintzen zara

Badirudi zugan ezin naizela izan

oinaze baino


Laztantzen zaitudan bakoitzean

nahiko zintuzket biluztu

eta gero desegin

azala gogor atzamarkatuz, erauziz

odoletan utzi arte

zure zainak sustraiak bailiran

errotu egingo nintzateke, lehertu arte

bestela ez dakigunez

behingoz desestal zaitezen

jakin nahiko nuke zer den gure arteko hutsune hau


Matilde Aizpurua

29 views0 comments

Recent Posts

See All

Adi! Artikulo hau nire esperientzia profesional eta pertsonalean oinarritutako aholku eta gakoez osatzen da, eta ebidentzia bibliografikoa kontsultatuta idatzi izan arren, ez du balio antsietate krisi

Uda garaia heldu da, eta badatoz hondartza, eguzkia, izozkiak, bikinia… eta depilazioa. Barkatu, emakumeen* depilazioa (gizona bazara, lasai egon zaitezke). Zure buruari min hori egin nahi ez diozun a

Mugak desagerrazi ditu pandemiak mundu guztian zehar. Estatuak ez ezik, itsasoak ere zeharkatzeko gai izan da gaitza eta han-hemenka, inoiz baino gertuago sentitu ditugu alboan sentitzen ez genituen h